A SEÑA DO TRES


A SEÑA DO TRES


Gervasio era un home pequeno e miúdo, de pel morena e cabelo escuro ao que lle faltaba un ollo. Un home sinxelo e de familia humilde que se criou “entre ovellas e vacas”. Estaba sempre de bo humor e adoitaba ir polas tardes á taberna da aldea a xogar ás cartas.
A súa vida transcorría despacio, sen presa; atendía a facenda coa súa muller e coidaba dun tío que non falaba ao que lle tiraban do aire os rapaces da vila para facelo de rabiar.
Un día chegou un estranxeiro á aldea e os veciños convidárono a botar unha partida na taberna. Puxérono de compañeiro de Gervasio e cando tocou facer a “ seña do tres” no tute, o forasteiro non puido aguantar a risa porque aquel homiño miúdo torto dun ollo, chiscaba os dous.

A broma valeulle para tomarlle o pelo durante moito tempo e agora, cada vez que xogan ao tute, os seus compañeiros din: Gervasio da a “seña do tres”.






NOELA SAA CRESPO, 4º ESO A, Nº 12

Comentarios

Publicar un comentario

Publicacións populares deste blog

ASÍ SON EU

Imaxe
GÚSTAME:    Gústanme as longas tardes de verán, saír cos amigos, andar en bicicleta, viaxar, os libros e as series de ciencia ficción, o son do mar, a pizza, a tarta de chocolate, os xeados, a nutella, pintar, debuxar, ir de compras,sacar fotos para recordar os mellores momentos, a natureza, a cor azul, os números pares, durmir, os animais, rirme das tonterías que fai meu irmán, esquiar, ir á piscina... NON ME GUSTA:    Non me gusta o puré de verdura, o queixo, a piña, o chocolate negro, madrugar, pasar frío, estudar, o outono, que me fagan spoiler dunha película, os pantalóns de campá, discutir, as películas románticas, a xente impuntual, o ruído, os deportes de raqueta, os números impares, a cor marrón, a xente que sempre quere ter a razón, o olor do tabaco, a desorde...
Ler máis